Wai u Dr. Mukul ya ka yingkieñ doi-doi wa T. 2.39 klur kawa ye leh ki kari u lai lyngba

Ampati: U Montri Rangbah ka jylla u Dr. Mukul Sangma ynne ka sngi da wai paidbah u ya ka yingkieñ doi-doi kawa ye leh u pynemkaam ki kari kawa man kawa nyngkong dooh kam kani hapoh ka jylla.

Kani ka yingkieñ toh kawa kaap chilliang ya ka wah Rongkhai wa em ha Kodaldhowa hapoh ka Zikzak C&RD Block ka South West Garo Hills.

Kattu kani ka yingkieñ daw pynyabi ko ya ki ar jait ki chnong kiwa tip kam ki Doromchas wa Kodaldhowa wei da chna hei dor wa T. 2.39 Klur hapoh ka Social Infrastructure Development Fund (SIDF) 2012-2013, Union Ministry of DoNER wa pynkrehkaam da ka Border Areas Development Department heiwa daw yarap ko leh ya ki 15 tylli ki chnong.

U Mukul da pynsñiaw u yei sñiawkmen yong oo wow ye u e ya kani ka yingkieñ cha ki paidbah wei da kyntu u ya ki wow syndong ki ya ka kamjooh wym hoi u pynemkaam da ki kari wa kit mar palatpood yow neh slem ko.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da ong u leh wa kmen u wow yoo yei chongsuk hapoh ka jylla katni heiwa da ye leh u pyndep ya kiwa boon ki kaam pynroi hanlada kattæ ki moochynthut ym dam ki u em tangwa da kular u wa i ku ka jylla ym hiar de i.