U Montri ka chnat Social Welfare Department, Revenue and Disaster Management, u Kyrmen Shylla ynne da wai u ya ka Fecal Sludge Management wa ya ka Septage Plant/Organic Waste Converter ha Khliehriat West hei emlang u E. Kharmalki, Deputy Commissioner, East Jaiñtia Hills District wa ki dkhot ka DMF Trust East Jaiñtia Hills District heiwa ya kini ki ar tylli ki kreh da e poisa lyngba ka District Mineral Foundation Trust, East Jaiñtia Hills District.
Kam chibynta yong ka Swachhata Hi Seva 2021 wa i lehkmen dap 75 snem ka ri ya kawa da tip leh kam ka “Azadi Ka Amrut Ka Mohatsav”, ka Swachh Bharat Diwas leh da pynman ya ka ha Khliehriat West Community Hall, East Jaiñtia Hills District, Khliehriat heiwa u Kyrmen Shylla da man u kam u kongsan wei da pynlai ya kani ka yalang da ka District Swachh Bharat Mission, East Jaiñtia Hills District, Khliehriat.
U Kyrmen Shylla hawa e yei klam ha kani ka sngi da ong u wa kani ka sngi toh ka sngikha u Mahatma Gandhi wei da ban joor u hajrong i krehlang chirup wow wanrah ya i khooid i jngiar ha ka District wei da yaroh u leh ya ki kaam wa da leh da ka District Swachh Bharat heiyatoh wa i khooid i jngiar.
Hajrong i yada ya ka rymaw, u Kyrmen da ong u wa ki kreh wow yada ya ka man ki kiwa emkaam bha wei daw ye chooh u leh boon tylli lyngba ka District Mineral Fund (DMF), MGNREGA wa ki kreh yong ki chnong. Da ban u leh hajrong i emkaam wow yada ya ka rymaw kamjooh ki kreh emkaam wow man ki kiwa salonsar neibhah wa da man i iwa kongsan wow pynneh ya ka rymaw neibynta ka mynried.
U E. Kharmalki da e batai u hajrong ka Organic Waste Converter wa ka Fecal Sludge Management/Septage Plant Project heiwa da ong u wa ka East Jaiñtia Hills District toh kawa nyngkong dooh wow pynkrehkaam ya ka Fecal Sludge Management wa Septage Plant Project hapoh ka jylla kiwa man ki thaw wow pynlang ya ki jakhlia wei wow pynkhooid ya ki.
Da pyntip u leh wa daw em chooh ki kreh kam ka Bio Medical Waste Processing Unit, Co-process of Plastic Waste ha ki karkhana khyndaw-bilat wa kiwi kiwi kiwa daw leh hapoh ka District ha ki por wow wan.
Ha kani ka sngi da pynbna leh ya ka chnong Chiehruhphi kam ka ODF Plus Village wa nyngkong dooh hapoh ka District namo ka chnong wa da biang lut ki paikhana heiwa da pynkupburom leh ya ka chnong da u Montri ka jylla ha u Waheh Chnong ka Chiehruphi. Ka Swachhata Champion Award 2021 leh da e ya ka ha u Waheh Chnong ka Lamyrsiang wa Cham Cham kiwa da pynkreh bha ya ka Swachh Bharat Mission. Ya ka Best Swachhata Champion Award 2021 hapoh ka kyrdan Best Swachhghari da yoh u First Suchen na Khliehriat C&RD Block wa u Arly Papeng na Saipung C&RD Block.
Ka Jaiñtia Eastern College NSS Unit leh da yoh ko ya i naam kam kawa yarap bha wow kreh wei wow pynjop ya ka Swachh Bharat Mission.
Kiwi kiwa da klam ha kani ka sngi toh u W. Diengdoh, State SLWM Consultant State Swachh Bharat Mission (Gramin); B. Dkhar, District Programme Manager, Jal Jeevan Mission (JJM) wa u W. Buam, District Coordinator Swachh Bharat Mission (Gramin), East Jaiñtia Hills District.