Wai u Rajnath ya ka yingkieñ kawa 430 meter ha Ladakh kawa da chna hapoh 15 bnai

New Delhi: U montri ka chnat yada ri, u Rajnath Singh ynne ka sngi da wai u ya ka yingkieñ “Col Chewang Rinchen Setu”, hajrong ka wah Shyok ha Ladakh. 

Kani ka yingkieñ toh kawa jrong kamwa 430 meter wei da chna ya ka da ka Border Roads Organisation (BRO) wei pynyabi ko ya ka Durbuk wa Daulat Beg Oldie ha ka thaaiñ mihsngi ka Ladakh.

U Rajnath ha u Twitter ynne ka sngi da ong u wa i chna ya kani ka yingkieñ hapoh i por wa da booh wei daw yarap ko hei lai i wan waroh chilynter u snem.

Da ong u leh wa deiwa pyndep ya kani ka yingkieñ daw yarap bha ko wow pynku ya ka kaam uiñke suwari ha kani ka thaaiñ. 

Related posts

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Ka madan yalehthma wa em ha khliehdooh ha pyrthai ya kawa tip kam ka Siachen da wai ya ka neibynta ki paidbah wa uiñke suwari wei nadooh na Siachen Base Camp hadooh ha Kumar Post, wei i pyndep ya kani ka yingkieñ pynyoo i yei angnood ka sorkar wow wanrah ya ki kaam pynroi. 

Ya kani ka yingkieñ da pyndep u chna hapoh 15 bnai nadooh wa sdang i kreh ya ka. 

Ya kani ka yingkieñ da e naam hei pyrtuid u Col Chewang Rinchen, ya uwa da kha ha ka 11 Khonchonglad 1931, ha Sumur, Nubra Valley ka Ladakh, wei da tip ya oo kam u “Lion of Ladakh” neibynta ki kaam yong oo wow yada ya ka Leh wa Partapur Sector.

Man u leh uwi na ki 6 ngut ki chipai ka ri uwa da yoh ya i naam Maha Vir Chakra ar sien kawa man ka naam ha ka kyrdan wa ar yong ka Indian Gallantry Award. 

Ha kani ka sngi da emlang leh u Army Chief General Bipin Rawat, General Officer Commanding-in-Chief, Northern Command, u Lt. General Ranbir Singh, DG BRO u Lt. Gen. Harpal Singh, u MP ka Ladakh u Jamyang Tsering Namgyal wa kiwi kiwi.