Ampati: Ynnin ka sorkar jylla da wai ko sa ya kawi ka thanat wa tip kam ka Damalgre Police Station ha South West Garo Hills heiwa u montri ka tnat Sports & Youth Affairs Minister Zenith Sangma da man u kam u kongsan hei emlang u montri ka Forest & Environment Minister Clement Marak, Government Chief Whip u Winnerson Sangma, ka MLA ka Mahendraganj ka Dikkanchi D Shira,u CEM ka GHADC u Boston Marak wa kiwi kiwi.
Hapoh ka jylla kattu da em 18 tylli ki Police Station kiwa da booh kyrpang wow e i chakri ya ki paidbah wei kamjooh wow e i yada ya ki.
Ka Damalgre Police Station u pait ko ya ki 37 tylli ki chnong hapoh ka South West Garo Hills District kiwa nachwa kiwa em leh hapoh ka Tura Police Station.
U Zenith Sangma da ong u wa kani ka Police Station toh chibynta yong ka thong yong ka sorkar wow pynyajan ya ki paidbah wa ki pulit. Da ong u wa ka sorkar hapoh i yahkhmat u Dr. Mukul Sangma dang thooh luti ko wow wow pynkhlan ya ki bor pulit.
Hei yatoh wa i rukom thung kreh pulit ka sorkar da ong u wa katni da yaleh u wanrah yei rukom thung kreh iwa khooid deiwa pyntikna wa du kiwa em hok wow yoh ya kini ki kreh u yoh ki.
U Sangma da pyntip u wa u Dr. Mukul ym slem de daw booh moo-yurim u ya ka College of Architecture and Urban Planning wa ya ka Williamson Sangma Technical Institute ha Jewillgre, South West Garo Hills heiwa da e khublei u leh ya ki paidbah ka thaiñ heiwa da ong u wa ka sorkar yaleh ko u e yeiwa kwah wei iwa emkaam yong ki paidbah.
Neiliang u Director General of Police S.B. Singh da pyntip u wa ki pulit ka jylla da ku bha ki katni heiwa da em ki SF-10, heiwa da ye ki u yoh yei hikai bniah iwa yajan kyrdan wa ki NSG, SWAT wa kiwi kiwi.
U Deputy Commissioner ka South West Garo Hills u Cyril Darlong Diengdoh da puræ u leh ya ka hukum kawa pynmih ka sorkar jylla wow chna ya ka Damalgre PS wei da ekti u ya ki kot ki sla yong kani ka thanat cha u Officer in Charge.
Discussion about this post