Wan booh u kurim ya ka kurim wa yap ha Dr. Norman Tunnel Hospital khlem da wan thooh de ka | Paan yarap ki pulit

Ka yung krehkaam u SP ka West Jaiñtia Hills District da pyntip u wa deiwa bood ya ka hukum ka yung bichaar wa da pynmih ha ka 22 tarik uni u bnai heiwa yatoh wa ka takit wa pynman da ka Jowai Women PS (GDE No. 09 dated 14.10.2025), da pyntip paidbah wa da em i metyap ka Ruksana Begum kawa em kamwa 45 snem i rta iwa da li booh ha Dr. Norman Tunnel Hospital, Jowai ha ka 13-10-25 heipor 3:50 i sngi.

Kani kawa da khlaad da ong toh kawa chong chnong ka Dawki wei da wanrah ka cha Hospital hadien wa tlær ko hapoh thawsum katkam wa ong u kurim ko, u Nur Khan.

Hawa sylli bniah ki Doctor ya kani ka bru da chem wa em kha ko hei thnga ko iwa dadep soor wa jrong kamwa 6 Inch wei da add ka khmat tidiang ko. I daw wa yap nyngkong da ong toh na ka Hypovolemic Shock wei hadien wa leh ya ka Autopsy ha Jowai Civil Hospital Mortuary, Ialong da chem wa toh neidaw ka Intracranial Bleeding neidaw wa em wa dat ka na khlieh.

Neiliang ki pulit ka Dawki PS wa Muktapur PPP da lai thooh ki ya kiwa emyatoh kani ka bru deiwa yaklam leh wa ki waheh chnong tangwa ym chem ya kiwa emyatoh ko.

Related posts

Yoo chyrkhei ki tiar yasiat wa yoh kem na ki 17 ngut kiwa pynleh kam ki dkhot ki seiñ kieñ suloi ha Manipur

October 25, 2026

Mar ya sdang ya ka Jaintia Artist Association yoh yarap Rs.10 lak na ka sorkar

October 25, 2026

I metyap kattæ dang em i ha Jowai Civil Hospital Mortuary. Kamtæ da kyntu ya kiwa tipmit ya kani ka bru næ kiwa emyatoh ko wow wan kam ka deiwa lai pyntip cha ka Jowai Women Police Station hapoh 48 kynta wei lada ym leh yeini daw pyndep yei metyap katkam ka aiñ.

Kiwa tipmit ya kawa khlaad ye ki wow Phone ha kini ki Number: Jowai Women Police Station West Jaintia Hills District (6909367216/9774065467).