Wan chakhmat ham pynbaad donhi wa em kiwa leh thok hawa yaleh kreh pulit

Hadien wa ka Central Recruitment Board ka Megahlaya Police da pynmih khubor ko wa em ar ngut kiwa leh thok ha ka Written Exam kiwa da chah beh wei ym chah de wow embynta ki kiwa kynthup ya uwi wa yaleh ya ka USBI ha ka Exam Centre wa em ha West Khasi Hills wa uwi won uwa yaleh ya ka Un-Armed Branch Constable (UBC) ha ka Exam Centre wa em ha West Garo Hills.

Tangwa neidaw hadien wa da mih khubor neiliang ki bru paidbah da pynbaad ki wym toh du kini ki ar ngut wa leh thok wei da em boon bha kiwi ki wym em chah ksoh chah beh, kamtæ neiliang u Dalton P Marak uwa man kam u Chairman ka Central Recuitment Board da chimkhia u yeini wa chah pynbaad wei da thung da u heh pulit yow takit wa lada i chah pynbaad man i iwa sakhiat.

Da kyntu leh ya kiwa kiwa pynbaad wym toh u pynpoor ki ya ka khubor hamsaya wei lada em sakhiat wow wan ki chakhmat wow ujor lada em kiwa leh thok hawa thoh Exam deiwa pyntip cha ki pulit næ cha ka Central Recruitment Board yow leh ki yeiwa emkaam.

Related posts

Kylli ka KYM na u DC iyi wa da leh ya ka poisa wa da booh yow yada ya ka wah Myntdu kawa da ktieh biang kattæ

October 31, 2025

Yachem ka JSU wa u Chairman ka MPSC yow lait biang u tyngkhooh tarik wa ka DSC

October 31, 2025

Da ong leh wa ka Central Recruitment Board da leh ko ya kani ka thung kreh deiwa khooid katkam ki kyndon wei daw pynkhor chooh chooh ya ki kyndon ha ki Exam wa dang sah.

Puræ leh: Ar ngut kiwa leh thok heipor wa thoh ya ka Written Test ka Meghalaya Police | Yut uwi hadien wa pynjæd Admit Card