Neidaw wym sñiawhun yong kiwa yahkhmat wa kiwa kyrchaan ka Bharatiya Janata Party(BJP) wa u Martamlin Pyrbot ym yakhun u ya ka Election MLA ha u snem 2023 na North Shillong Constituency, palat 300 tam kiwa yahkhmat wa kiwa kyrchaan yong ka BJP na North Shillong Mondal da wan psiah ki cha ka National People’s Party(NPP) ynne ka sngi ha ka yalang kawa da pynman ha Community Hall yong ka dong Lawmali, Shillong.
Ha katai ka sngi da pdiang burom ya kitai kiwa kychaan da u President ka NPP Shillong City, u Wanlamphang Kharmujai wei da yoh yei klam na u kyrtong wow e reiñ na North Shillong Constituency, u Ransom Sutnga.
Hawa e yei klam ha katai ka yalang, u Ransom da pynsñiaw u yei sñiawkmen wa khroo bha heiwa da ong u wa ini i wan psiah kini kiwa kyrchaan cha ka NPP man ko leh kamwa e kyrmen ya ka seiñ wow yoh yei jop na katai ka Constituency ha u snem 2023.
Da ong u leh wa sa kamwa 150 ngut kiwa kyrchaan ka All India Trinamool Congress (AITC) na North Shillong daw wan psiah ki cha ka NPP.
