U Jonathan L Pachuau (21 snem) uwa da yut na Shillong hadien wa mih ka khubor wa pynbaad wa slaitbor u hadooh 8 ngut ki kynthai heiwa em leh kawa dang khian rta. Ynne da wan pyndem u hakhmat u OC ka Laitumkhrah Police Station ha Shillong.
Kam wow pynkynmoo wa da em kawa wan chakhmat wow booh FIR ha Laitumkhrah Police Station pyrchah ya u Jonathan.
Ki pulit ka Laitumkhrah PS da pynngat ki ya u Jonathan hapoh ar tylli ki Case kawi ka Case No. 100/2026 hapoh ki kyndon 3/4/11/12 ka aiñ POCSO Act wei kawi won ka Case No. 94/2026 hapoh ka kyndon 64(1) BNS.
Ya u Jonathan da kem noh wei daw lai yah oo hakhmat ka yung bichaar.
Iwa chah pynbaad u Jonathan da poor i ha ki rynsan Social Media deiwa pynyoo yeiwa kob u wa leh u yeini i kaam hadooh wow chondur wa i dur Sonogram wa pynyoo wa punkhon kawi ka kynthai kawa slaitbor u.
Puræ leh: Da yut u khynroo Mizo na Shillong | Wan kawi ka kynthai wow booh FIR
Discussion about this post