Wan pynlait paidbah u Kyrmen Shylla ya ka School Bus ka Sein Jait Tuber HS School

Ynne ka sngi, u Kyrmen Shylla, MLA ka Khliehriat uwa man leh u Montri sorkar da wai emburom u ya ka School Bus ka Sein Jait Tuber Higher Secondary School, Tuberkmai Chnong kawa da yoh yarap lyngba ka Scheme sorkar deiwa pyndap poisa leh ka SMC ka skur yow yoh u thied da kawa rep heh kawa man kam ka 32 Seater.

U Kyrmen Shylla kam u kongsan hawa e yei klam da khana u wa da pynyoh u ya kani ka School Bus katkam i angnood ka School Managing Committee kamjooh ki waheh ka Seiñ Raij Tuber yow pynsuk ya ki khynnah kani ka skur u pynemkaam.

Ha kani ka sngi da emlang leh u Laski Rymbai, Deputy CEM ka JHADC kam u symbood kongsan uwa man leh kam uwa jooh lai puræ ha kani ka skur heiwa da kular u wow e yarap Rs. 2 lak cha kani ka skur.

Da yoh leh yei klam na u Chairman ka School Managing Committee, u Dr. Wishming Ryngkhlem uwa da khana yei parom nadooh wa seiñ ya kani ka skur, wei da yoh leh ya ki kyntien ngooh Blai na u Langdoh ka Raij Tuber, u Shanly Rymbai wa i rwai pdiang burom na ki khynnah skur ka Higher Secondary.

Related posts

Yoh myntoi ki 31 ngut ki khynnah ka Jaiñtia Hills nei pooid wa mynkna ya kiwa jæd ktien wei kaad poh ktien

November 16, 2025

Khut ka DCIC Jowai ya kiwa kwah wow yoh yei sikai wa mynkna neibynta ka Make Up Artistry

November 16, 2025

Ya ki kyntien pdiang burom da e da u Arun Kumar, Principal yong kani ka skur.

Da yoh leh ya ki kyntien tbian na u Secretary ka skur, u Ribun Sana, u Waheh Chnong ka Tuberkmai Chnong, u Micky Lyngdoh, u Abul Phawa, Vice President Seiñ Raij Tuber wa na u Helping Phawa, President ka Seiñ Raij Tuber.

Da emlang leh u Joinly Ksoo, General Secretary ka Seiñ Raij Tuber, u Tellmetruth Phawa, General Secretary ka Tuberkmai Chnong, u Hundred Phawa, Waheh Chnong Mukhaialong, u Mut Dkhar, Waheh Chnong Wapung Chnong, u Yeinlang Ryngkhlem, Asst. Waheh Chnong Wapung Chnong, u Lar Bang, Waheh Chnong, Tuber Chohchrieh, u Yoohimi Shylla, General Secretary ka Tuber Chohchrieh, u Lakhon Dkhar, Waheh Chnong ka Pasyih, u Markos Shylla, Secretary Seiñ Khynroo Khyllood ka Seiñ Raij Tuber, u Wom Chyrmang, u Krot Siangshai, ki Executive Member, ki CEC Member ka Seiñ Raij Tuber, ki Secretary ki Chairman ki Seiñ Raij Chnong hapoh ka Raij Tuber wa kiwi kiwi ki waheh wasian ka Raij wa ki manbei manpa kiwa da ya emlang wow sakhi ya kani ka sngi kawa sah kynmoo.

Ya ki kyntien e khublei da yoh na ka Vice Principal, ka Nidaka Ryngkhlem.