Ynne ka sngi u kyrtong ka UDP na 10-Mynsngat Khanduli Constituency, u Damian S War da yieñ u pyrchah ya ki Karbi kiwa thmu wow phah sangeh ya ka yalang Election kawa man ha chnong Mokoiram, West Jaiñtia Hills District kawa em ha khappood Meghalaya-Assam.
Ha ini i wan kini ki bru kiwa kam wa wan ki na thaaiñ Karbi Anglong, da ong ki wa ym chah wow pynman ya kani ka yalang neibhah wa haap ko hapoh ka West Karbi Anglong tangwa neiliang u Damian S War ryngkat wa kiwa bood yong oo da khanglaad ki yeini i wan luchia kini ki bru neibhah wa man iwa khlem yurim, wei neitæ da yut noh ki na ini i thaw.
Hawa e i klam ha ka yalang da ong u wa ha i bor wa khian da yahkhmat u ya ka jaitbru heipor wa man u kam uwa yakhmat seiñbhalang wow yada ya ka jaitbru khamtam ha thaaiñ khappood wei wot hadooh ynne da yieñ u deiwa e nongmuna wa ki bor sorkar da yut ki neibhah wa em wi ar wa wan pynthut tangwa oo won da yieñ skem u kamwa nadooh nachwa wow yada ya ki paaid ka jaitbru.
Da kyntu u ya ka chnong Mokoiram wymtoh u dooh mynsien ki neibhah wa sa chisien daw ye u jop ya i eh i khor wa hakhmat wei lyngba i krehlang daw ye u yada ya u pood u ang.
Discussion about this post