15 49.0138 8.38624 1 0 4000 1 https://wyrta.com 300 0
Advertisement ad1

Wan sakhi u Vincent Pala yei dap 25 snem ka Ieng Swer Memorial Secondary School

0 Comments
Advertisement ad1
Advertisement ad1
Advertisement ad1

Jowai: Ka Ieng Swer Memorial Secondary School kawa sdang ha u snem 1992 ynnin ka sngi da lehkmen ko ya i lyngkhooh dap 25 snem ka skur wa em ha Dkhiah West, EJH kawa wan sakhi da u Vincent H. Pala, MP kam u kongsan, u Justine Dkhar, MLA ka thaiñ kam u symbood kongsan hei emlang ka Violet Lyngdoh, MDC, u Phasmon Dkhar MDC, u Dolloi ka Elaka Rymbai u Elios Swer, u Waheh Chnong ka Dkhiah West u Livingstone Phawa, ka ADM ka EJH ka Rimaya S. Manners wa kiwi kiwi de.

Ya kani ka skur da e pyrtuid ya ka ka Ieng Swer kam wow pynsahnaam yei pyrtuid u Dolloi warim ka Elaka Rymbai uwa da kha ha u snem 1887 ha chong Umsuwe kawa katni ym tip de heiwon em ko. Da wan chongkha u cha Dkhiah wa ka D. Phawa wei da yoh ki 10 ngut ki khon, 6 ngut ki chynrang wa 4 ngut ki kynthai wei 4 ngut na ki dang im ki hadooh katni.

Ha u snem 1925 u Ieng Swer da chah jied u kam u Dolloi ka Elaka Rymbai wei da chakri u ya ka Eleka kamwa 40 snem tam hadooh wa khlaad u ha u snem 1971.

Kamtæ kawi na ki ksu u Ieng Swer kawa tip kam ka Bliss Phawa kawa jooh man ka kawa sikai skur sorkar da seiñ ko ya kani ka skur haka 10-02-1992 tangwa ym em yoh ko u yoo yei heh i saan kani ka skur neidaw ban ka kjut ka chitom heiwa ha u snem 1999 Naisaphra da khlaad noh ko na slai pyrthai wei da e kti wow pyllai ya ka skur cha ki khon ki kti wa kiwa ha yung ha sem.

Heipor wa da sdang ya kani ka skur da em ko nadooh Nursery hadooh Class 3. Ha u 2005 da pynku ya ka cha ka kyrdan Upper Primary wei ha u snem 2015 won da pynku ya ka cha ka Secondary School. Ha u snem 2005 won da man ko kam kawi na ki skur SSA.

Ka Violet Lyngdoh hei klam yong ka da ong ko sñiawsuk ko u yoo yeiwa ka skur da ye ko u leh heiwa katni da man ko kawi na ki skur wa ha khmat dooh yong ka district wei da kular ko leh wow yarap katwa ye neiliang yong ka lyngba ka JHADC yow ye u pynku leh ya ka skur cha ka Higher Secondary School.

U symbood kongsan won da ong u, ha kani ka thaiñ nachwa em le jait wa chem chitom bha ki bru cha kani ka thaiñ, iwa nyngkong toh i kjut i sam wei boon wa khlaad wa ym biang sarok wa ki kari, wa ar won toh i dooh i duk wei iwa le won toh i biej, tangwa katni won da kylla lut ini waroh wei ka puræ puthi toh iwa yarap wow wanrah yei kylla wei i em kam kani ka skur yarap bha ko ya ini waroh. Kamtæ da ong u wa na waroh wa ye u e ki bei ki pa cha ki khon, i stad toh wa kor dooh.

Da pyllait paidbah u leh ya ka kot Souvenir kani ka lehkmen dap 25 snem kani ka skur.

Neiliang u kongsan da yaroh u ya ka yung ka sem wa da seiñ ya kani ka skur kawa yarap ya kiwa wan naki yung wa dooh wa duk neibhah oo leh toh uwa da maad ya ini wei ki bru hi kiwa stat wan ki na ki thaw puræ wa na nongkyndong.

Kamtæ da kyntu u ya ki khynnah wow pynemkaam bha ki ya i por kamjooh ka stat Internet wa katni wa poi pyn hapoh ka phone wow puræ ya ki khubor wei wow chem yei yutip wa emkaam wow tip ki ha ka puræ puthi.

Da ong u leh wa smat u wow yarap yeiwa emkaam ka skur wei da yooluti u wa daw ku chooh chooh ko cha khmat.

Da pynphooh pynphein ya kani ka sngi da ki rwai wa ki chaad na ki khynnah skur.

Advertisement ad1

0 Comments

Leave a Reply