Wan sylli u Conrad ya ki thaw puræ wa ki thaw sumaar wa em ha Jowai

Jowai: U montri rangbah ka jylla, u Conrad Sangma ynne ka sngi da lai pait lai sylli u ya ki thaw sumaar wa ki thaw sikai kiwa em hapoh Jowai.

Ha kani ka lai sylli da emlang u montri ka tnat C&RD u Sniawbhalang Dhar, u MLA ka Jowai u Wailadmiki Shylla, u MLA ka Mawhati u Dasakhiat Lamare, ki MLA na ri-loom Garo kam u S.G. Estamur Momin wa u Thomas A Sangma.

Nyngkong da lai sylli u ya ka B.Ed College ya kawa da dep chna wei u Conrad da pyntip u wa ka sorkar pyrdi da sangeh ko wow sdang thymme ya ki B.Ed College, wei neiliang yong oo daw yaklam u wa ki heh ha Delhi hajrong ini.

Na B.Ed College da lai pait u ya ka Maternity and Children Hospital heiwa u Conrad da pyntip u wa u MLA ka thaaiñ, u Wailadmiki Shylla da wanrah u yeini hapoh ka yung dorbar ka jylla hajrong ini wei ka sorkar leh da chimkhia ko yeini deiwa pait ya kiwa kreh wei kyrmen leh wa ym slem de daw sdang noh ko.

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Hadien ini da lai u cha Thomas Jones Synod Collage heiwa da em ka yalang wa tbian wei da pynsñiaw ya ki kaam wa da leh ka College wei da e leh ya ka dorkhat heiwa kawi na ki phang wa dawa toh wow kynthup ya kani ka thaw sikai hapoh ka Community College ka sorkar, wei u Conrad da e u leh ya ki kyntien sneiñ kyntu cha kiwa sikai yong ka Thomas Jones.

Na kani ka thaw puræ da lai sylli u ya ka Dr. Norman Tunnel Hospital wei da lai pait u leh ya ki bynta wa dang dep chna wot kam ka NICU, wa kiw kiwi wei kiwa pynlai kani ka thaw sumaar da pynsñiaw ki ha oo yeiwa emkaam kani ka thaw nadooh ki tiar sumaar.

Da pynbood won wow lai sylli ya ka Jowai Polytechnic heiwa da ap u yeiwa emkaam kani ka thaw nadooh i pynmiat ya ki Hostel, ka um, ki tiar ki tar wa emkaam hapoh kani ka thaw puræ.

Da psiah u leh ha Kiang Nangbah Government College heiwa da ap u yeiwa emkaam kani ka thaw puræ na u Principal kani ka College wa kynthup nadooh i pynkrehkaam ya ka Girls Hostel, u sarok, wow pynmiat ya ka madan yalehke, ki kamra, wa kiwi kiwi.

Hadien ini i lai sylli u Conrad da pyntip u wa i wan u wow sylli ya kini ki thaw toh wow pynyajan ya ka sorkar wa ki paidbah wei kamjooh leh wow sñiawthooh yei eh i khoo wa yachem ki.