Wan wai u Amit Shah ya ka ISBT, ka Oxygen Plant wei da yachem u leh wa ki montri rangbah ki jylla ha Shillong

U montri ka sorkar pyrdi wa pait ya ki kaam pohyung, u Amit Shah ynne ka sngi da wan wai u ya ka Inter-State Bus Terminus (ISBT) ha Mawiong, Shillong hei emlang u montri rangbah ka jylla, u Conrad K. Sangma, u montri ka chnat DoNER u G. Kishan Reddy, u montri ka chnat Science and Technology u Dr. Jitendra Singh, DoNER u B.L. Verma wa kiwi kiwi. 

Ya kani ka ISBT da chna lyngba i pynlut poisa ka Ministry of DoNER, ha i lut wa T 48.31 klur. 

U Amit Shah hawa e yei klam da ong u wa ka thong yong u montri rangbahdooh ka ri, u Narendra Modi toh wow pynyabi ya waroh ki nongbah ki jylla ka thaaiñ mihsngi lyngba u sarok, ka rel wa wa na suiñ chwa u 2024 wei kani ka ISBT toh kawi na kitæ ki kaam. 

Da ong u leh wa kani ka ISBT ha Shillong daw yarap ko wow pynku ya i yoh i la wa i khayi pateiñ kamjooh u pynsuk ya ki bru wa lai wa wan. 

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

“Ka Shillong kawa man ka nongbah ka jylla Assam nachwa chwa wow phiah ya ka, i miat yong ka daw yarap bha i ya kiwi ki jylla ka thaaiñ waroh kawi,” da ong u Amit Shah. 

Neiliang u Conrad K. Sangma da ekhublei u ya u Amit Shah wa da pynlait por u wow wan cha Meghalaya. Da ong u wa ka sorkar India kwah ko wow pynroi ya ka thaaiñ mihsngi wei i wan u montri ka sorkar pyrdi hapyrdi wa em ka Dorbar Parliament pynsakhiat ko ya ini i kaam. 

Da ong u leh wa i chna sarok man i kawi na ki kaam wow wanrah ya i roi i paar ha ka thaaiñ wei i em yong ki daw ye u pynku ya ki kaam khayi pateiñ. 

U Conrad da ong u leh wa ki kaam khayi pateiñ wa ki ri wa yabi wa ka thaaiñ daw ku i manda biang ki luti syngkieñ i wow myntoi ya ki paidbah ka thaaiñ wa ka ri hi leh waroh kawi. 

Ha kani ka sngi u Amit Shah da wan wai u leh ya ka Cryogenic Oxygen Plant ha Umsawli wei da lai pait u leh ya ka Pediatric Unit ha ka Covid Stepdown Hospital.   

Chooh chooh ynne ka sngi u Amit Shah da booh mooyurim u ha ka Multi-facility Convention and Exhibition Centre ha North Eastern Space Application Centre (NESAC), Umiam wei da yachem u leh ya ki montri rangbah yong ki jylla ka thaaiñ mihsngi hei wow pynkrehkaam ya i stat ka juk wa katni wow sylli ya ki khloo, wow pynheh ya ki thaw rep, wow yada na i chlai-um wa kiwi kiwi.