Ka yalang wa kyrpang kawa ar sngi namo ka 69th Plenary Meeting yong ka North Eastern Council (NEC) da wan wai ya ka da u montri ki kaam pohyung ka ri uwa man leh u Chairman ka NEC, u Amit Shah hei emlang u Dr. Jitendra Singh, Vice Chairman ka NEC uwa man leh u montri khynnah ka sorkar pyrdi wa pait ya ka Development of North Eastern Region (DoNER) ha Shillong.
Ka North Eastern Council toh ka chnat wa pait ya ki kaam pynroi ha ka thaaiñ mihsngi ka ri namo ka North Eastern Region kawa kynthup ya ki 8 jylla nadooh ka Arunachal Pradesh, Assam, Manipur, Meghalaya, Mizoram, Nagaland, Tripura wa Sikkim.
Kam wow pynkynmoo heini kani ka yalang da wanrah leh ya ka bui (Report) yong ka 68th Plenary Meeting wa da pynman ha u Naikhynde 2019 wei daw wanrah leh ya ki kaam wa da leh wei da thmu wow leh da ki chnat kam ka Development of North Eastern Region, Agriculture & Farmers’ Welfare, Civil Aviation, Finance, Commerce and Industry, Food Processing Industries, Health and Family Welfare, Power, Railway, Road Transport & Highways, School Education & Literacy, Tourism, Telecommunications, Water Resources & Ganga Rejuvenation, ka Departments of Economic Affairs, ka Promotion of Industry & Internal Trade wa na ki sorkar jylla waphær waphær.
