Ki arngut ki MLA ka People’s Democratic Front (PDF) kiwa man ki Montri ha ka sorkar MDA, da pynsñiaw ki ya i wym hun ya i yachem wa u Montri Kaam Pohyung ka ri India, u Amit Shah neidaw wym yoh u yaklam ya ki phang ka jylla.
U President ka PDF, u Banteidor Lyngdoh da ong u wa kam kiwa yahkhmat ka jylla ki kwah ki wow sñiaw yeiwa klam na u Amit Shah chikyntien arkyntien, tangwa neidaw wa duna i por da hap wow hun noh. Da ong u waroh hi ki Montri ka sorkar jylla ki pynsñiaw ki yei sñiawdiaw neibhah wa khlem yoh wow sñiaw yong u Shah hajrong ki phang wa da booh daka jylla.
U Hamlet Dohling da ong u wa iwa jia ynne ka sngi ym toh wa sñiawsuk i wym pynhun ya ki Montri ka sorkar MDA, deiwa pynrap wa hanla i yachem da sepai ko, tangwa i dawa ya ki phang wa da booh da ka jylla ym kynrandien. Da ong u wa du iwi iwa pynsñiawsuk toh wa da kular u wow yaklam ha Delhi, wei kam kiwa yahkhmat u paan ki ya itæ i por wow wan wei neiliang ka Party ym suki ko wei daw booddien ko.
Da ong wa lada yoh ne ym yoh ym pu kwah wow ong iyi iyi, tangwa i kamram kam kiwa yahkhmat toh wow booddien yaki phang yow lait u ktah ko yaka jaitbru neibhah ki paidbah sah ki hei lyngngoh.
