Wanpoi ka rel wa nyngkong ha Jaiñtia Hills wa chna da u wym em ka kyrdan puræ puthi

Ha ka 3 tarik uni u bnai, u Martis Langwar uwa na ka chnong Mukhap da ah u ya u Ribbon wei da kaweh u ya ka lama kam i dak wow pynlait paidbah ya ka Nature Mini Trail Train ha Kupli Holiday Retreat kawa em ha ka chnong Iaw Thymme, West Jaiñtia Hills.

U Martis Langwar ymtoh uwa em ka kyrdan puræ puthi tangwa da chna wei pynwandur u da oo hi ya kani ka rel kam uwi na ki bru wa em sap wow chna ya ki tiar ki tar neibynta u yalehke ki khynnah khlem da pynem da i Petrol næ Diesel tangwa dei bor ka Gravity donhi.

Ha kani ka yalang pynlait paidbah da emlang leh ki ki dkhot yong ka Kupli Holiday Retreat Tourism Society deilang kiwa chong chnong kiwa da yoh myntoi na i kaam uiñke suwari wa kiwi kiwi de.

Da yoh leh yei klam na u Chairman yong ka Society wa na u Martis Langwar kam uwa chna ya kani ka rel wei kamjooh leh ki dkhot yong ka Society kiwa da kyrpaad ya kiwi won wym toh wow pynbood yei rukom chna khlem da yoh bor na u Martis Langwar neibhah kani da man ko ka buit wei stat yong oo wei kiwa pynbood daw tyngkheiñ ki ya ka aiñ Copyright Act.

Related posts

Ngooid ka wah Ganga ya i Mandir wa 150 snem ha West Bengal

September 8, 2026

Booh mooyurim u VP ka yingkieñ wa pynyabi ya ka East Khasi wa West Jaiñtia | Ki kreh wa chongdor palat Rs. 1000 klur deilang

September 8, 2026