Wanrah ILP wei pynbait chwa ya u pood ymtoh ka luti rel: HNYF

Neiliang ka seiñ HNYF da ong ko wa da yoo ko yei thmu ka sorkar Meghalaya wow chna luti rel sa na East Jaiñtia Hills wei hajrong ini da pyrchah joor ka seiñ ya ini i thmu la ha iwon iwon i thaw ka Bri Ynñiawtrep.

Da ong wa nadooh nyngkong ki sngi da pyrchah ya ini i thmu yong ka sorkar kat hadooh wa ye ko wow e chwa ya ka aiñ wow yada ya ka jaitbru.

Chooh chooh da ong ko wa lada ka sorkar thmu ko wow lehbor, ka seiñ leh ym yohsa ko wow mih chakhmat la kat nawa em ki thaaiñ ka Bri Ynñiawtrep.

Related posts

Khlem yoh u hiar madan tangwa chah kit ha ka Stretcher uwa yalehke ka England

July 6, 2026

Chah tooh ka muna wa em ka poisa Rs.1 lak, i ksiar wa ki kot ki sla wa emkaam | Kyntu ka tre wow pynyuiñ

July 6, 2026

Ka seiñ da ong ko wa ymtip yei thmu yong ka sorkar Meghalaya kawa kwah ma kwah wow thooh thaw wow rah ya ka luti rel cha kani ka thaaiñ neibhah wot ki luti syngkieñ wa lai man-ka-sngi leh ymtoh kiwa ye u pynbha.

Ka seiñ da ong ko wa ka sorkar toh u e chwa ko ya ka ILP wei wow pynbait noh ya u pood u ang wa paka wa ka Assam.