Wanrah u Conrad ya ka mang tyngka kawa ₹1,970 klur na iwa ye u yoh

U Montri Rangbah ka Meghalaya, u Conrad K. Sangma ynne da wanrah u ya ka mang tyngka 2025-26 kawa ₹1,970 klur na iwa ye u yoh kawa man leh 2.96% na ka GSDP ka jylla.

I lutphut da antaad u man ko ₹30,003 klur wei na kani ₹20,556 klur man ko kam ka Revenue Expenditure wei ₹9,447 klur won kam ka Capital Expenditure. Khlem da kheiñ yei su ya ka ram kawa dapoi ₹2,406 klur i lutphut dapoi ko ₹27,597 klur.

U Conrad da ong u wa i heh i san ka Meghalaya ha chi snem man ko 12.7%, wei da antaad ka GSDP neibynta u 2025-26 u poi ko ₹66,645 klur deiwa pynkynmoo leh ya ka thong ka sorkar wow pynman ya ka Meghalaya kam ka  $10 Billion Economy kat ha u 2028.

Da ong u leh wa kani ka ₹1,970 klur kawa tip leh kam ka Fiscal Deficit toh kawa hapoh 3.5% katkam wa chah ki kyndon.

Related posts

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

Kyntait ka Agatha Sangma wow man ka kyrtong MP cha Rajya Sabha

May 29, 2025

Ha kani ka mang tyngka da booh leh ₹5,421 klur kam ka Climate Budget iwa da ku da 20% na u 2024-25.

₹6,219 klur ka Gender Budget kawa ku da 25%.

₹3,329 klur ka Youth Budget kawa ku da 16.6%.

₹3,654 klur neibynta ka puræ puthi wei yow chna pynmiat ya ki skur.

₹2,176 neibynta i chait i khiah heiwa ₹180 klur toh neibynta ka Megha Health Insurance Scheme (MHIS).

₹1,088 klur da booh neibynta i pynmih bordiñ wei yow pait leh kiwi de ki laad pynmih bordiñ kam ki Renewable Energy.

U Montri Rangbah da pynbna u leh ya ka CM Scholarship Scheme, deiwa e ₹6,000 chi snem cha ki 80,000 ngut kiwa man kam ki “Post-Matric Students”. Heiwa da pdiang u wa em hi i pynslem yei su ya ka Post-Matric Scholarship ka sorkar pyrdi wei dang yaleh kattæ yow pynlait ya kani ka poisa.

Da khana u leh ya kiwa boon ki kaam wa da sdang da kreh nadooh ki thaw yaleh Sports, ki kaam uiñke suwari, i yarap ya kiwa seiñ khih kam chibynta ka thong Meghalaya Mission 10, yow pynman ya ka Meghalaya kam ka Developed State kat ha u 2032.