Shillong: U Deputy Chief Executive Member (CEM) ka KHADC, u Gigur Myrthong da wanrah u ya ka mang tyngka wa pura yong u snem 2020-21 wow pynlut T. 243,72,89,930 klur, katwa i mih poisa won u man i T. 243,72,39,020. Kani ka mang tyngka ka Council toh neibynta u snem 2020-21 wei duna ko T.50,910 neiwa pynmih.
Kani ka mang tyngka toh hadien wa ka mang tyngka ka Council u kut noh ko ha ka 30 tarik uni u bnai.
Neiliang u Dy. CEM da pyntip u wa neini, ka sorkar pyrdi da pynlait poisa ko T. 27,60,39,000 na kawa da mang wow yoh kamwa T. 49 Klur kawa man leh ka Grant yong ka Part IX wa IX A ka riti synchaar ka ri yong u snem 2019-20.
U Myrthong da ong u wa i pynmih poisa wa kongsan hapoh ka KHADC toh na ka Professional Tax, Trades, Royalty na ki dieñ wa na ki kattu katni ki chnat. Katwa i pynlut poisa won lai i cha ka General Administration Department, Law Department, Forest, Legislative Department, Education, Civil Work Development, Enforcement Scheme wa kiwi kiwi.
