U Foreign Secretary ka India, u Harsh Vargdhan Shringla da pyntip u wa waroh ki nong India wa em ha nongbah Kyiv ka ri Ukraine da yoh ki wow mih noh na kani ka chnong hadooh ynne ka sngi wei ha kini ki 3 sngi wow wan da pynkhreh ya 26 tylli ki lieñsuiñ ki wow lithooh noh ya ki wa kynthup lang ya ka lieñsuiñ ka Indian Air Force kawa daw hiar ha ri Romania.
Ka ri India hadooh kattæ da ye ko wow lithooh ya kitu kiwa da yoh u psiah cha ri Romania wa Hungary.
Da pyntip u wa nadooh wa sdang da yoh yukheiñ wa em kamwa 20,000 ngut ki nong India wa em hapoh ka ri Ukraine wei kamwa 12,000 ngut da yoh ki wow mih noh napoh kani ka ri iwa man kamwa 60%.
Da ong u leh wa dang khuslai kattæ ya kitu kiwa sahkut hapoh ka chnong Kharkiv wa dang joor bha i chah siat Bomb ko ha ka Russia heiwa na ki 12,000 ngut kiwa dang sah, kamwa 40% em ki ha Kharkiv katwa kiwi won da yoh ki wow yut cha ki thaw wym em i yaleh thma cheiliang sepsngi ka ri yow lai cha ki ri wa em chajan.
Kam wow pynkynmoo wa uwi u nong India uwa da yap ynne toh uwa em hapoh ka chnong Kharkiv.
