Wiar ka kynthai kawa na Tripura ha Delhi mar hadien wa dep u phone cha yung

Ki pulit ka Tripura da paan yarap ki na ki pulit ka Delhi yow thooh ya ka khynnah College kawa dang 19 snem i rta kawa da wiar ha Delhi la 6 sngi kattu.

Kani ka kynthai wa tip kam ka Sneha Debnath kawa na Sabroom ka South Tripura District toh kawa lai puræ ha ka Atma Ram Sanatana Dharma College wa em hapoh ka Delhi University.

Neiliang u CM ka Tripura leh da phah u ya ki pulit wow chimkhia ki yeini.

Ka Sneha da yaklam khaddooh ko wa kiwa ha-yung ha-sem ko ha ka 7 tarik uni u bnai wei da pyntip ki leh wym em khih ka Bank Account ko chisien leh ha ki soo bnai khlem da sai poisa iwa da pynphylla wa kammon da im ko wei najrong ini da wiar ko leh khlem da rah ya kiwon kiwon ki tiar ki tar ko.

Hei yaklam khaddooh ko wa kiwa ha-yung ha-sem ko hei step ka 7 tarik da ong ko wa daw lai lang ko wa ka lok ko kawa tip kam ka Pitunia cha Sarai Rohilla Railway Station wei ini toh iwa da Phone ko heipor 5:56 i step.

Kat u kieh 8:45 i step ka jooh ka sngi, ka Phone ko toh kawa da tympleh wei da Phone ki cha ka Pitunia kawa da khana wa ka Sneha ym em wan ko kamwa da pynbait ki.

Related posts

Chah kem 8 ngut kiwa slaitbor ya ka khynnah wa dang 15 snem deiwa rahbor ka heipor wa lai mihlait

January 11, 2026

I yap u Garo toh neidaw wym ye ka sorkar wow pynsangeh yei tih mar pohkhyndaw pyrchah aiñ: BJP

January 11, 2026

Hadien ini da ye ki wow chemdien ya uwa yah Taxi uwa da khana wa lai booh u ka ha Signature Bridge ka Delhi wei ini man i i thaw wa khaddooh wa yoo ya ka wei ini i thaw leh man i wym em chngaaiñ.

Neiliang ki pulit ka Delhi deilang ki bru ka NDRF da sdang ki wow thooh ka nadooh ka 9 tarik wei ym em chem ki ka wei kani ka thaw wa yoo khaddooh ka leh man ko kawa duna CCTV.