U Prime Minister ka ri, u Narendra Modi hawa e yei klam pynwai yaka National Convention ka Bharatiya Janata Party ynne ka sngi, da khut u ya kiwa kreh ka Party wow tip ki u pynyaphær hapyrdi ki kaam Politics wa ki kaam tei ri.
“I em i hei bor yow tei yow pynku yaka ri ymtoh yow leh Politics,” da ong u Modi haka yalang wa pynman ha New Delhi hakhmat kiwa ksoh kaam ka BJP.
U Modi da ong u wa ka pyrthai leh da tip ko wa daw wan biang u kam u Prime Minister hei sien wa le neibhah da em kiwa da khut sñiawbha oo cha ka ri ki nadooh u Naiynñiaw.
U Modi uwa da man u kam u Prime Minister nadooh u snem 2014 da ong u wa ha ki 10 snem wa da lai, ka India da lait ko nei kaam baam tooh, da lait ka ri leh nei chah thombor ha ki seiñ kieñ suloi wei da kreh yow yarap ya kiwa dooh wa duk.
Da e nong muna u leh wa de ye u wow pyndep ya ki kaam wa sah da slem hadooh ki spah snem deiwa ye u chna u wai yaka Ram Temple.
Da ong u leh wa da pynku yei bhah ki Muslim na India yow lai cha Saudi Arabia neibynta ka Hajj.
Da khyrwait u leh yaka liang pyrchah deiwa ong wa ym em wa tam ya ki wow kular da ki wym ye ki u leh.
Ka Bharatiya Janata Party kawa yahkhmat yaka sorkar National Democratic Alliance (NDA) kawa da em hei bor nadooh u snem 2014 daw yaleh ko wow wan hei bor sa hei sien wa le hei yahkhmat u Narendra Modi.
Discussion about this post