U Montri wa pait ya ka chnat yong i chait i khiah ka jylla, u James PK Sangma da ong u, wow lait na ka Lockdown toh du lada i chim tika yada COVID-19 kynjoh i cha ka 100% hapoh jylla.
Da ong u wa ka sorkar hap pyntikna ko wa ki paidbah u chim tika ki kam ka laad yada neibynta wow yakhun pyrchah ya i poor ka khlam kjut.
Hawa kylli ya i poor smat u khñiang kjut, neiliang u James da kubur u wei da ong u wa boi daw ku kiwa chah ktah ha ka jylla, neibhah da sakhi wa ha kiwi ki bynta ka pyrthai wa hapoh ka ri India da boon bha wa chah ktah.
U Montri da ong u wa ka sorkar da kreh chitom ko wow lai pynsñiawthooh paidbah, khamtam kiwa chong chnong u bood ki ya ki kyndon khnang wow ye u yada nei maa yong uni u khñiang.
U James da pyntip u leh wa ka chnat da lai pynsñiawthooh paidbah ki chaaid chaaid wei kitu ki bru kiwa artatien wa ki da chah ktah ki ha u khñiang kjut toh u chong kyrpang noh ki wow yada nei poor uni u khñiang khlam COVID 19.
