Wym hoi ka sorkar te pyndooh ko daka Internet: Mukul

Shillong: U Dr. Mukul da kynthah u yaka sorkar Meghalaya Democratic Alliance (MDA) wa ka ym em chaniah ko ya ki paidbah ka jylla neibhah wa ka ym ye ko wow pynneh yaka chong suk chong saiñ hapoh Meghalaya wei hap ko wow khang syndon ya ka Internet ha waroh kawi ka jylla, deiwa pynrap wa ini i leh yong ka sorkar pynyoo yei leh embor ka sorkar wow knieh ya i hok ki paidbah.

Uwa yahkhmat ka liang pyrchah da beiñ joor u ya ini i leh yong ka sorkar, deiwa ong wa ini i khang ya ka Internet toh wym hoi ka sorkar wow kdoh u khoom ya ki yakhih wei wow pynneh ya ka suk ka saiñ.

Da ong chooh wa na ini i khang ya ka Internet da ktah chiboon ya ki paidbah lada man ya ki khynnah wa dang puræ næ ha ki kaam ki jaam wei ka jylla da chah ktah ko chiboon leh ha ka yoh ka kot na ini i leh ka sorkar.