Jowai: Hadien wa ym mano u Symbood Montri Rangbah ka sorkar Meghalaya, neiliang ka seiñ da e por won i sa 10 sngi ya u Montri Rangbah wa em burom wow pynkrehkam ya ka dorkhat (Memorandum) ka seiñ ki Muster Roll hapoh ri-loom Jaiñtia kawa tip kam ka JPWDMW&LU.
Kamtæ, ynne ka 12-12-2018 da dap chiphaw sngi nadooh wa da dep epor ka seiñ ya ka chithi ha u montri rangbah, hadooh ynne neiliang ka sorkar da e ko dang du i ktien wa da pdiang u CM wa u pynkrehkaam noh ya iwa dawa ka seiñ tangwa yeini dei thoh ym pu em e ka chnat Labour hadooh kattæ.
Katwa kamtæ, neiliang ka seiñ ha ka yalang kawa da man ynne ka 12 tarik, da chim ko ya ka rai wow pynlai bait chakhmat ya ka yakhih chah thngan kawa khlem booh por nadooh ka 10:00 waje i step yong ka 17-12-2018 ha Shillong.
Ini i dawa ka seiñ ym toh iwa eh ya ka sorkar Meghalaya wow e, watoh ini i paan ka seiñ toh i hok i yong ki Muster Roll næ kiwa mylla sngi wa ki chnat sorkar iwa ka sorkar Meghalaya da toh su pynkrehkaam donhi ko namo u e hukum biang ko ya ki bru sorkar ha ri-loom Jaiñtia yow pynkrehkaam noh ki.
Ini toh katkam wa pyntip u President ka seiñ u K.L. Pariat.
Discussion about this post