15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Yachem ka JSU ya u Montri khynnah ka ri u Kiren Rijiju ha New Delhi

0 Comments

New Delhi: Ka Jaintia Students’ Union (JSU) hapoh i yahkhmat u President ka Seiñ u ma Rikut Pareiñ wa u General Secretary u ma Emperor Bareh da yachem ki wa u Montri Khynnah ka Ri India, u Kiren Rijiju ha nangbah New Delhi ha ka 3 tarik u Naichiphaw 2015.

Ha ini i yachem ka Seiñ wa u Kiren Rijiju, ka seiñ da booh ko ar tylli ki phang kiwa kyrpang neibynta ka Ri Loom Jaintia khamtam neibynta ka NEHU Campus wa ki kaam khappood wa ka jylla Assam.

Ka Seiñ hei yachem wa uni u Myntri da e ko yei jingthoh heiwa da kdaw ko wa ka Ri Loom Jaintia man ko kawi na kiwa sah dien tam ki distrik hapoh Meghalaya weiwa kam wa man katni boon ki khynnah puræ ym ye ki u pyndep yei puræ ki neidaw wym yoh admission ki ha ki skurbah khamtam ha NEHU.

“Da slem wa emkaam wow chna noh ya ka NEHU Jowai Campus kam wow wai lad ya ki khynnah puræ na Ri Loom Jaintia wow yoh lad ki u pyndep ya ki puræ yong ki kiwa ha rukom” da ong ka chithi yong ka seiñ. Kamtae da kyntu joor ko ya uni u Montri wa ka sorkar wow pynsmat noh ko u pynkreh ya kani ka NEHU Jowai Campus.

Heijooh i por ka JSU da pyntip ko cha uni u Montri wa ka Jylla Meghalaya da chna ya ka nadooh u snem 1971 tangwa hadooh katni ym pu biang i rukom liar ya u pood u ang yong ka, iwa da ktah chiboon ya ki chnong Pnar kiwa em cha chilliang yong ka jylla Assam. Da pynkynmoo biang ka seiñ yeiwa duk ki nongchong chnong Pnar na ka chnong Mukhim u yut cha ka chnong Moolaber ha uni u bnai wa da dep neidaw wa chah leh beiñ chah iehbeiñ ki ha ki bor sorkar ka jylla Assam.

Hei yatoh wa ini ka Jaintia Students’ Union da kyrpad joor ko na uni u Montri wa ka Sorkar wow chimkhia ya kani ka kaam neibynta i bha i miat yong ki Pnar kiwa em cha chilliang u pood u ang yong ka jylla Assam.

Previous
Next

0 Comments

Leave a Reply