15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Yachem u tre yong ka Ecocraft ya u Conrad wow pynyoo ya ki mar wa chna ko da ki kot warim

0 Comments
Advertisement ad1

Jowai: Uwa chemphang ha ka khayi (Entrepreneur), u Bonkey R. Marak na Williamnagar, East Garo Hills hei synraan u MLA warim ka Songsak, u Nihim D. Shira ynne da yachem ki ya u montri rangbah ka jylla, u Conrad K. Sangma ha i yung sah u wow pynyoo nongmuna ya ki tiar kiwa da chna da ki kot warim wa da pynthymme namo ki recycled paper na ka karkhana wa tip kam ka “Ecocraft”.

U Conrad da yaroh u ya kini ki tiar deiwa ong wa kani ka karkhana toh u pynheh ya ka wei emkaam wow pynyaar ya ka yaaw neibynta kini ki tiar. Da kyntu u ya ki wow wai ki dukan yong ki ha kylleiñ ka jylla khnang wa ki paidbah u yoh ki ya kini ki tiar.

Advertisement ad1

Da e khublei u ya u Marak uwa da sdang yeini deiwa pynemkaam ya ki kot wada pynthymme biang, neibhah ini daw yarap bha i wow yada ya ka rymaw wei daw wailad ko leh wow yoh kreh kiwi.

Kani ka karkhana chna ko ya ki file cover ki board, cobra clip file, document box, pen stand, envelope, ki four fold cover file, wa kiwi kiwi.

U Marak da ong u wa da sdang u wow pyllai yaaw ya kini ki mar nadooh u Naitung (April) deiwa yoh yarap na u Deputy Commissioner ka East Garo Hills, u Ram Kumar.

Ka Williamnagar Waste Paper Recycling Centre, kawa pynlai yaaw ya ka ka Ecocraft, kawa em ha pchem ka yungkrehkaam u District Commissioner heiwa da em ka dukan wa dai ya kini ki mar cha ki paidbah. I thong yong kani ka Centre toh wow pynlang ya ki kot ki sla warim wa dadep pynemkaam da ki tnat sorkar, ki skur, ki college wa kiwi kiwi.

“Ka thong yong kani ka project toh ka wow pynduna ya ki tiar wa dadep pynemkaam wei wow wanrah yei khooid i jngiar ha Williamnagar,” da ong u Marak ya u Conrad.

U Marak da batai u leh ya u Conrad wa da sdang pynlang u ya ki tetra pack namo ki yusong dud, ki kot rben namo ki corrugated box, ki that, ki jeans, ki khuri kot na ki thaw waphær waphær ka yaaw wa ki dong.

Ka Ecocraft da ekreh ko leh ya ki 30 ngut ki bru, kiwa kreh ha ki tnat waphær waphær ka yong ka.

Ka yungkrehkaam u montri rangbah leh da sdang pynemkaam ko ya ki tiar ki wym ktah ya ka rymaw wei da khang leh wow pynemkaam ya ki klong um plastic.

Share this:
Previous

Yachem ki heh ka ADB wa kiwa khayi na Japan wa u Conrad dei thmu wow wailad ya ki khynroo u yoh kreh ha Japan

Next

Psiah ka Smit waka Marbisu cha ka Pre Quarter Final yong ka MIFT