U Montri Rangbah ka jylla, u Conrad K Sangma ynnin ka sngi da yachem u wa ki dkhot ka Khasi Authors’ Society wa ki dkhot ka A’chik Literature Society ha Shillong.
U Conrad ha ki ktien wai phang da ong u wa i daw wa da pynman ya kani ka yalang toh yow pyrkhat kammon wow booddien waka sorkar India yow thap noh ya ka ktien Khasi wa Garo hapoh ka 8th Schedule wei wow yaklam leh ya kiwa ye u leh yow pynchlur yei pynemkaam ya kini ki ktien hapoh ka jylla khamtam ha ki khynroo khyllood.
“Hawa katni dang yaklam ya ka luti wow lai chakhmat wow kynthup ya ka ktien Khasi wa Garo hapoh ka 8th Schedule emkaam leh wow pynemkaam ya ka kini ki ktien hapoh ka jylla ym du ha ka puræ puthi, ki Seminar wa Symposium kamjooh leh lyngba ki phlim, ki sur ki rwai wa kiwi de ki kaam,” da ong u Conrad.
Ha kani ka yalang da emlang leh ka Chief Secretary ka jylla, ka R V Suchiang wa u Commissioner & Secretary, Arts & Culture and Secretary, Home (Political), u C V Diengdoh.
