Yachem u Conrad ya u montri ka Rural Development & Panchayat Raj u Narendra Singh Tomar hei yatoh wa ki kaam pynroi hapoh ka jylla

Jowai: U montri rangbah ka jylla, u Conrad K. Sangma ynne da yachem u ya u montri ka sorkar pyrdi wa pait ya ka Rural Development & Panchayat Raj, u Narendra Singh Tomar chirup wa u montri ka sorkar jylla wa pait ya ka tnat Tourism, u Metbah Lyngdoh ha yung krehkaam u Tomar ha New Delhi wow yaklam heiyatoh wa ki kaam pynroi hapoh ka jylla.

U Conrad da kyntu u ya u Tomar wow kyrchaan ya ka jylla wow kyntu kynrong ya ka Water Harvesting wa ki Check Dam yow ye u pynemkaam hok ya iwa e ka rymaw ya ki paidbah ka jylla khamtam ka um baam um dih.

“I kwah i wow pyntikna wa waroh ki chnong wa ki manyung hapoh ka jylla u yoh ki ya ka um dih kawa khooid. Ka thong hi toh wow pynlang ya ka um deiwa chna ya ki thaw pynlang um namo ki Reservoir, khnang wa ki paidbah u yoh ki ya ka um kawa ki em hok ki,” da ong u Conrad.

Da ong u wa ka sorkar jylla thmu ko wow wanrah ya i rukom krehkaam i wow pynbiang um ha man la ki thlu yung ha kini ki snem wow wan.

Related posts

Pynbna ka VPP ya ki kyrtong MDC ha ka JHADC wa KHADC

November 13, 2024

Kyntu ki seiñ ki jaitbru ri-loom ka Manipur wow dam u chibynta ha ka Election District Council

November 13, 2024

Neiliang u Tomar da e yumut u ya u Conrad wow lai cha ka jylla Himachal Pradesh wow pait yei rukom pynlang um wei pynneh um ki paidbah kamjooh leh i saam um ha kani ka jylla.

U Conrad da kyrpaad u leh ya u Tomar wow kyrchaan ya ka jylla wow pynkrehkaam pura ya ka Pradhan Mantri Gram Sadhak Yojana (PMGSY) wa ka Pradhan Mantri Awas Yojana (PMAY).

Heijooh i por u Conrad da ong u wa ka sorkar jylla kwah ko u pynkrehkaam hok ya ki Scheme ka sorkar pyrdi deiwa pynman ya ki kiwa khooid wei wow phah ya ka bui (report) yong kini ki project dei langær man la u bnai cha ka sorkar pyrdi.