U President ka Meghalaya Pradesh Congress Committee (MPCC), u Vincent H Pala da ong u wa iwon iwon wow leh ya ki 5 ngut ki MLA wa da chah beh seiñ chipor na ka Congress u man i katkam ka rai ka All India Congress Committee (AICC).
Da ong u wa ka MPCC da chong biang ko ynne ka sngi wow chim ya ka rai wow pyntip cha ka AICC wei dadep phah ya ka chithi wow paan pynche (Show Cause Notice) cha waroh 5 ngut ki MLA, tangwa ym em u jubab ki wei chong won kattu katkam ka rai wa ka hukum ka AICC kammon wow leh ya kini ki 5 ngut ki MLA.
Da ong u leh wa ympu nood wow ong iwon iwon, ye wow beh seiñ chipor næ beh chisien don ya kini ki 5 ngut.
Ha iwi i liang da ong u wa da yaleh u wow yaklam wa u MLA ka Rambrai uwa da chah beh chipor, u Kimfa S Marbaniang uwa da pynsñiaw wa chisien wa da kyrchaan ya ka sorkar MDA wa yahkhmat da ka NPP kawa yakrehlang wa ka BJP ymye de wow pyndam ya kani ka rai.
U President ka MPCC da ong u wa i eh i khoo wa ka Congress hi toh wa ymye ko wow krehlang wa ka BJP.
