theme-sticky-logo-alt
theme-logo-alt

Wa chimkhia wow pynbait ya u pood, daw psiah NPP noh u Bajop Pyngrope

U MDC ka Rambrai-Jyrngam uwa da mih noh na ka Congress, u Bajop Pyngrope da pynkhreh u wow psiah noh chirup wa kiwa kyrchaan ya oo cha ka National People’s Party (NPP) ha ka 31 tarik uni u bnai.

U Bajop da ong u wa i yaklam dang lai i chaphrang wei da em i pynbait wow psiah noh u cha ka NPP wei da kubur u wa i thmu hi toh wow lai psiah cha kani ka seiñ.

Hawa kylli ya i daw, u MDC da ong u wa i daw wa haphrang dooh toh wa ka sorkar kawa yahkhmat da ka NPP da chimkhia ko wow pynbait ya u pood ka jylla, heiwa da ong u wa ha ki por wa da lai la 50 snem kattu ym em kawi wot leh ka Party kawa thrang ya ini i kaam. Da ong u wa heipor wa ka seiñ Congress synchaar ko ha ka sorkar pyrdi, ha Assam wa ha Meghalaya ym em u poi cheiwon cheiwon leh i kaam pynbait pood.

Da ong u leh wa ha ki bynta hapoh West Khasi Hills, wa kynthup ya ka Gizang, Tarabari wa Hahim Sector, hadooh 98% ki chnong haap ki chapoh Meghalaya, wei i yaklam wa u Montri Rangbah, u Conrad Sangma leh dang lai i wow yoh sa ya ar tylli ki chnong, ka Malsapara wa ka Salbari chapoh Meghalaya.

Share this:
Previous

Khuk yachem u Bajop ya u Vincent chwa wow lai e chithi mih noh na ka Congress

Next

Yang ka MPCC yei rai ka AICC ya ki 5 MLA wa da chah beh seiñ chipor