Hadien wa wan u slap wa joor nadooh ynnin i miet uwa da pteiñ hadooh ynne i sngi, da em chiboon iwa chah ktah ha kylleiñ ka jylla wei khamtam ha East Khasi Hills heiwa hajrong wa em i oor khyndaw, i chlai um wa kiwi, da em leh ar ngut kiwa da yap wei le ngut kiwa da mynsoo ynne ka sngi.
Ha iwi i jia wa sñiawsih kawi ka manbei wa tip kam ka Klasliya Kharkongor kawa 45 snem i rta da yap ko hadien wa oor i khyndaw iwa da ban ya i yung yong ka ha Lumkyntung, Khatarshnong Laitkroh Block heiwa ar ngut leh da mynsoo ki ya kiwa tip kam ka Batihun Kharkongor (14) wa ka Ranika Kharkongor (22).
Ha iwi tawon i jia ha Mawbynna ka Mylliem Block uwi u bru wa tip kam u Samborlang Tariang da yap u hadien wa ngam u ha ka Wah Krot.
Uwi won u bru da mynsoo u malum malæ nei oor i khyndaw ha Demseiñyong, Shillong.
Ynne waroh da em 2 tylli ki dukan, 7 tylli ki sarok, 4 tylli ki yung wa iwi i skur iwa tip kam i Buddha Vidya Niketan wa em ha Polo wa da chah ktah ki nei chlai um wei oor khyndaw hapoh ka East Khasi Hills District donhi.
Discussion about this post