Ynne i janmiet heipor kamwa 5:00 waje kawi ka rel wa wan na Bikaner cha Guwahati da kylla ko ha Moynaguri, Jalpaiguri District ka West Bengal heiwa da khlaad 3 ngut ki bru wei da mynsoo palat 20 ngut.
Kani ka rel da kylla ko hadien kamwa 7 minit hadien wa mih ko na New Domohani Station heiwa da kylla hadooh 12 tylli ki daba (Coach).
Hadien ini i jia, da ki spah ngut na ki chnong wa em hajan ini i thaw da poi ki wow wan e yarap ya ki bor sorkar wow pynlait ya kiwa chah ktah.
Neiliang ka chnat Railways ka ri da phah ko wow pynman da ka takit hajrong ini i jia.
U Montri Rangbahdooh ka ri, u Narendra Modi da booddien u ya ini i jia wa u Montri ka chnat rel ka ri, u Ashwini Vaishnaw wei da kitbok u leh ya kiwa mynsoo wow chait noh ki.