U Symbood Montri Rangbah ka Jylla, u Prestone Tynsong uwa man leh uwa e ktien ka sorkar Meghalaya Democratic Alliance (MDA) da ong u wa ki paidbah daw jubab ki ya i pynbaad pyrchah ya kani ka sorkar.
Yeini da ong u Prestone hawa jubab yeiwa pynbaad u President ka All India Trinamool Congress (AITC), u Charles Pyngrope wa kani ka sorkar MDA ym em u leh ko iwon iwon ha ki 4 snem wa dadep.
Da ong u wa ym kwah u wow yania hajrong i chah pynbaad, tangwa ki paidbah wa stat daw bichaar wei daw jubab hi ki neibhah ha ka saiñ pyrthai daw em bait i pakhot ktieh.