Ka Cyclone Montha da hiar khyndaw ko ynnin i miet ka 28 tarik hapyrdi ka Machilipatnam wa Kalingapatnam hajan ka chnong Kakinada ka jylla Andhra Pradesh.
Ka la’ær wa khlanbor 100 kmph da wan ko chirup wa u slap wa da neh soo kynta nadooh ka 7:30 i miet heiwa da pat ki dieñ wei da thut leh ka bordiñ.
Kawi ka bru da yap ko ha chnong Makanapalem ka Mamidikuduru District hadien wa pat u dieñ ha yung ko.
Kam chibynta wow pynkhreh ya ka Cyclone Montha da kyrriah ya ki 10,000 ngut ki bru na ki chnong wa em harood duriaw wei da em 12,000 ngut kiwa da rieh ha ki 76 tylli ki Relief Centre.
Neiliang ki bru ka National wa State Disaster Response Force da man ki kiwa da pynkhreh wow lai e yarap ya kiwa emkaam.
Da hap leh wow pyndam ya ki lieñsuiñ namo ki Flight cha Rajahmundry Airport Tirupati, Chennai, Bengaluru, Hyderabad wa Mumbai.
Discussion about this post