Ki ar ngut ki chipayu kiwa na chnong Laitnong, South West Khasi Hills iwa em kamwa 12 Km na Mawkyrwat da khlaad noh ki hei ngam um iwa da jia ha ka 28 tarik u Khonchonglad (Nov) ha ka wah khian wa em ha Laitkynja.
Kini ki chi payu toh kiwa tip kam u ka Sukkyrhai Lyngkhoi (5 snem) wa u Banshan Lyngkhoi (3 snem).
Kani ka kwah toh kawa em hajan ka thaw wa sah ki kamwa 100 meter haroh.
Katkam wa khubor wa da yoh, ka Sukkyrhai da yoo ko yeiwa haap u diah ko, u Banshan chapoh um heiwa ka leh da kynthiar ko yow yarap oo tangwa da dooh noh yei mynsien ki waroh ar ngut.
Ya ini waroh da sakhi da kawi ka khynnah kawa da phet lai khana ya ki bei ki pa ko kiwa da wanlang wa kiwa chong chnong tangwa ym em ye wow poi smat yow pynlait im ki heiwa da chem yei metyap kini ki chipayu hadien won.
Neiliang ki pulit hadien wa dep ki wow leh yeiwa emkaam, da e kti ki yei metyap kini ki chi payu yow pyndep ya ka niam ka rukom.
Discussion about this post