Hadien wa pteiñ i hiar slap da em i oor khyndaw wa joor ha Defence Colony ka chnong Mon ka jylla Nagaland iwa da jia ynne i step iwa da kit ya ki yung wei da yap uwi u bru wei da chah tlep kattu katni ngut kiwi tawon.
Ya i metyap uwa yap da chem wei i thooh ya kiwi tawon dang pteiñ i.
Ki pulit da ong ki wa i oor khyndaw toh iwa joor wei i joor u slap da ktah i yei thooh ya kiwi tawon ha ini i thaw.
Neiliang ki pulit, ka Indian Army, State Disaster Response Force (SDRF) wa kiwi ki Volunteer da kreh ki wow pynlait wei yarap ya kiwa chah ktah.
Ki bor sorkar da kyntu ki ya ki paidbah wow jngai na ki thaw wa oor khyndaw næ ki thaw wa synjor khamtam lada pteiñ u slap wa joor.
Discussion about this post