Ynnin i miet heipor kamwa 8:48 da em i tyrrah kari wa joor bha ha u sarokbah NH-06 ha Ialong chwa wow poi ka Toll Plaza neiliang Jowai heiwa da yap uwi wei mynsoo joor uwi tawon.
Ini i tyrrah da jia i hapyrdi ka thuk-thuk Pulsar 200 wa em Number AS-01R-3732 heiwa ya uwa mynsoo da kit da ka Gypsy ki pulit ka Phramer Traffic Cell cha Jowai Civil Hospital, Ialong katwa ya i metyap uwi tawon da kit da ka Ambulance ka NHAI cha Civil Hospital hi.
Da suba joor wa kani ka thuk-thuk da chah tyrrah ko ha ka Truck nadien wei da patah ko ya uwa mynsoo kamwa 20 meter wei ya uwa yap won kamwa 100 meter.
Hadien kattu katni da wan ki bru wa tipmit ya kiwa yap heiwa da ong wa uwa yap toh u Biomston Sangma na Dabongjora, West Garo Hills District, katwa uwa mynsoo toh u Tengsrang Sangma na Trekila, West Garo Hills District.
U Tengsrang uwa da mynsoo joor dang em u ha Hospital hapyrdi i chah sumaar.
Neiliang ki pulit da ong ki wa kini ki ar ngut toh kiwa lai na Ialong cha Phramer wei toh kiwa kreh mylla ha thaaiñ Phramer.
Hadooh wa pynmih ya kani ka khubor ympu yoh kem ya ka Truck wei ym em wa sakhi yeiwa jia.
Discussion about this post