Yaroh ka KJNU Saba Unit ya ka sorkar wa chimkhia ko wow pyndep yei kreh ha ka Yingkieñ Kureliya

Jowai: Ka seiñ Khasi Jaiñtia National Union (KJNU) Saba Unit ha ka khubor wa na u Andreas Suchiang President, da ong u wa ka seiñ da e yaroh ko ya u Deputy Commissioner ka West Jaiñtia Hills District u Arunkumar Khembavi kamjooh leh ya u Block Development Officer ka Laskein C&RD Block u L.T. Tariang MCS, hajrong wa chimkhia ki wow chna pyndep ya ka yingkieñ Kureliya hajrong ka wah Myntang kawa man kam u budloom ya ki bru ki chnong khappood wa ka jylla Assam wa kiwa em ha ki thaiñ Block-I.

“Kani ka yingkieñ toh kawa da sahteiñ la kamwa 13 snem khlem em wa chimkhia ya ka tangwa nadooh wa wan u DC ka WJH u Arunkumar Kembhavi kamjooh u ma Tariang uwa man kam u BDO ka Laskein da chimkhia ki wow pyndep ya kani ka yingkieñ kawa da thrang wei angnood ki paidbah ka thaiñ” da ong ka seiñ.

Ka seiñ da pynkynmoo ko leh wa chwa wow sdang i kreh ha kani ka yingkieñ da em i pynthut neiliang ka Assam wei han la kattæ leh u DC wa u BDO wa kiwi kiwi ym em u pynjem ki yei pynthut ka Assam deiwa chimkhia u pyndep noh ya ini i kreh wut wut.

Ka KJNU Saba Unit kamjooh leh ki paidbah ka thaiñ e yaroh ki ya ka sorkar wada chimkhia ko u pyndep yei kreh ha kani ka yingkieñ kawa man leh i kyrkhu ya ka thaiñ waroh kawi.

Related posts

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

Kyntait ka Agatha Sangma wow man ka kyrtong MP cha Rajya Sabha

May 29, 2025

Kani toh katkam ka khubor na u A. Suchiang President ka KJNU Saba Unit.