Ynne u montri yada ri ka India, u Rajnath Singh da pdiang wei da yaroh u ya ka hokum ka Supreme Court hajrong wow man Permanent Commission ya ki kynthai ha ka Indian Army.
Da ong u wa i e laad ya ki kynthai wow man ki sahep chipai wa pura (Permanent Commission) ki chipai ka ri man i iwa khroo bha heiwa wot u montri rangbahdooh ka ri, u Narendra Modi leh da kyrchaan u yeini heipor wa klam u ha ka Independence Day 2018.
Heipor wa man montri yada ri ka Nirmala Sitharaman da pynbna ko wa ki kynthai u pynpsiah kreh noh ya ki ha ki Military Police wei ini da sdang i nadooh u 2019.
Nachwa ki sahep kynthai chakri ki kamwa 20 snem katwa ka SSC man ko du 14 snem donhi tangwa ha u 2019, da rai wow man chipai pura ki (Permanent Commission) ha waroh ki 10 chnat ka Indian Army, wa kynthup ya ka Signal Corps, Intelligence, Aviation, Engineering, Service Corps, Ordinance Corps wa kiwi kiwi.
Chwa u 2016, ki kynthai em ki du 2.5 percent ha ki chnat chipai ka ri.
Ha u Duyatra (January) 2019 em 3.89 percent ki kynthai ha ka Indian Army, katwa ha u Naiynru 2019 em 6.7 percent ha ka Navy wa 13.28 percent ha ka Air Force.
Discussion about this post