Ye ka NHAI wym bien de u pait ya u sarok NH-6 pyntip u ADC cha ka KSU-EJHDU

Ka KSU East Jaiñtia Hills District Unit ynne ka sngi da lai e ko dei thoh cha u Additional DC ka District yow tip hadooh katwon da lai i kreh ya u sarok NH-6 heiwa u ADC da ong u wa ka NHAI ye ko wym bien du u chim u pait ya u uni u sarok wei ye wow chim noh da ka National Highways & Infrastructure Development Corporation Limited (NHIDCL).

Chooh chooh da khana u wa i slem wow chna ya uni u sarok toh wa ka NHAI da khut Tender ko du wow pynchna yeiwa sih ymtoh wow chna pynbha de wei da dep khut Tender ar sien tangwa da em du uwi wa wan yoh thong ya kani ka Tender.

Da khana u wa i slem leh toh neidaw wa em ki heh ka NHAI da chah kset patok wa emkti ki ha ki kaam leh thok wei baam tangka.

Da pyntip u leh wa u Montri Rangbah ka jylla da khut u wow yaklam wa kiwa mihkhmat ka NHAI wei da em leh i sylli namo i Inspection wa kiwa mihkhmat ka thaaiñ East Jaiñtia ha ki sngi wa da dep tangwa ym pu yoo ya ki dak ki chin wow chna ya u sarok.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Neiliang ka seiñ da klam che ko wa lada man katwa man leh, ka seiñ kwah ko wow yoh ya u sarok wa bha wei ym tip yei eh wa em wa jia neibhah ka sorkar hap ko wow thooh ki laad ki luti yow pynsuk ya ki paidbah khamtam katni wa da toh i por wow kreh.

“Pynkreh smat ya uni u sarok yow pynduna yei diñ i yakhih,” da ong ka seiñ deiwa yooluti leh wa ka sorkar daw leh ko yeiwa bha.