Ka Expert Committee kawa da thung yow pait deiwi yaka State Reservation Policy ka Meghalaya wa da khlieh da u Justice (Retd) M.C. Garg deiwa emlang u Justice (Retd.) Dr. Satish Chandra, u Prof. D.V. Kumar, u Prof. Chander Shekar wa u Prof. Subhadip Mukherjee kam ki dkhot, hadien wa da pynbna ko wa kwah ko wow lai paan yumut ki na ki paidbah kamjooh deiwa pynman da ki Public Hearing ha waroh ki District, neiliang ka sorkar jylla da booh ko ki kyndon wa ki paidbah ye ki wow chimbynta.
Ka sorkar chah ko yaki paidbah wow thoh ki yeiwa sñiaw yong ki hei ktien English næ ha i ktien wa klam ki ha ki chnong ki thaw yong ki deiwa phah chithi cha u L. K. Diengdoh, Secretary ka Expert Committee, Personnel & AR(B) Department, Room 513, Meghalaya Civil Secretariat (Main Building), Shillong, 793001 næ deiwa email ha [email protected].
Hawa phah ya kini ki chithi toh u thoh bha yei pyrtuid, i thaw sah, email wa Telephone Number kiwa phah kiwa ye u man ki bru samen næ kiwon kiwon ki seiñ.
Hap leh u thoh che lada man ki kam ki ST næ SC næ kiwi won ki jait wei wow e yei daw wow pynksan yeiwa kwah ki wow pynkylla wei wow pynbiang ki kot ki sla kam ki sabut lada em ki.
Lada toh iwa da e buit ki namo wa tyrwa ki iwa da dep e ki nachwa, hap ki wow pynyoo yeini deiwa sooh lang haka chithi.
Kiwa phah chithi ye ki leh wow ong lada dooh ki yei hok yong ki hapoh ka State Reservation Policy.
Heiyatoh wa ki tarik wow pynman yaki Public Hearing daw pynbna won hadien.
Discussion about this post