Jowai : Hadien wa beh ka la’ær wa joor yong ka seiñ Bharatya Janata Party ha kini ki snem wa dadep wa kamjooh i jop kput yong ka ha kani ka Election MLA ha jylla Assam, yoosar ha jylla Meghalaya leh daw joor chooh i riñ ko ya ki paidbah khamtam ha ri-loom Jaiñtia.
Katkam ki yutip wada yoh na ki bru kani ka seiñ saiñ hima da ong wa da em ki kattu katni ngut kiwa krehkaam seiñbhalang da pynyoo ki ya i sap wa kdaw wa kwah ki u psiah dkhot cha kani ka BJP.
Heijooh i por ka khubor ong ko leh wa ka party katni dang yaleh ko u pynkhlan yei rukom krehkaam yong ka ha waroh ki 7 tylli ki Legislative Assembly Constituency wa em hapoh ri-loom Jaiñtia.
Uwi uwa chaniah napoh ka party (u wym kwah u mih pyrtuid) da ong u “wa hapoh kini ki bnai wow wan daw em boon ki bru wa pawkhmat naki bynta ki thaiñ mihsngi ka jylla Meghalaya ki wow psiah cha ka party kiwow wanrah yei che cha waroh kawi ka jylla”.
Lada man ini i kam kiwa napoh ka party iwa sakhiat, tæ ki bru yong kiwi ki seiñ kammon u rai ki ma-ai?
Discussion about this post