U President ka BJP ha Nagaland uwa man leh u Montri ka sorkar kani ka jylla, u Temjen Imna Along Longkumer da kyntait u wow klam iwon iwon hajrong i saiñhima sima hapyrdi ka BJP Meghalaya wa ka sorkar Meghalaya Democratic Alliance (MDA) wa yahkhmat da ka NPP.
U Temjen uwa da wan ynne ka sngi ha Shillong da yaroh u ya i krehkaam ka sorkar u Conrad ha kani ka jylla.
Tangwa hawa kylli won hajrong i yachruit wa i pynbaad ka BJP ya ka sorkar MDA, da ong u wa ym kwah u wow klam iwon iwon ya ki kaam ka seiñ BJP ha Meghalaya næ ya ka saiñhima sima ha kani ka jylla neibhah ym em wan u neibynta ini i kaam.
Ka BJP Meghalaya da maham ko wow dam noh u kyrchaan kamjooh i krehlang wa ka MDA wa yahkhmat da ka NPP hajrong kiwa boon ki pynbaad.
Neiliang u Temjen da ong u wa ka Party em ko da iwi tawon ki yurim wa i rukom krehkaam ha kani ka jylla wa kamjooh wa ka sorkar.
