U Foreign Secretary ka India, u Vikram Misri ynne i miet da pyntip u wa ha ki kattu katni ki kynta wa da lai ynne, ka Pakistan da tyngkheiñ ko yeiwa da mynjur da waroh ar ki Director Generals of Military Operations ki ar ri wow sangeh noh yei yasiat namo ka Cease Fire nadooh 5:00 waje ynne i janmiet.
Da ong u ini wa leh ka Pakistan toh iwa khlem da burom de ya ini wa da mynjur wei ki chipai ka India leh da e ki yei jubab wa biang wei da chimkhia bha yeini wa tyngkheiñ yeiwa da mynjur.
Da khut u ya ka Pakistan wow leh ko yeiwa emkaam yow pait yeini wei wow chimkhia ki u leh yeiwa emkaam deiwa em yei kitkhlieh.
Da ong u leh wa ki chipai ka India toh kiwa da pynkhreh wei da e bor leh ya ki wow jubab ki deiwa khlan lada jia biang wa tyngkheiñ yeini ha khappood wa ka Pakistan kamjooh wa u LOC.
Yeini da pyntikna leh da u Chief Minister ka Jammu & Kashmir, u Omar Abdullah uwa da ong wym em katæ ka Cease Fire neibhah ki laad yada namo ki Air Defence System da sdang biang ko wow siat ha Srinagar.
Ha Kathua, J&K da pynkrehkaam da ka Blackout hadien wa ka Pakistan da pteiñ ko wow siat.
Kiwi ki jylla kam ka Punjab wa Rajasthan leh da pyndooh bordiñ ki (Blackout) hadien wa da sñiaw yei pdung ha Jammu.
Discussion about this post