15 49.0138 8.38624 1 1 4000 1 https://wyrta.com 300 0

Ym chem ka UDP wa chah chet kylla ha ki lok MDA

0 Comments

Shillong: Ka United Democratic Party (UDP) da kyntait ko wa kiwi ki lok yong ka wa krehlang ha ka sorkar Meghalaya Democratic Alliance (MDA) da chet kylla næ leh arsap neibynta wow pynjop ya u kyrtong hunlang ha ka Election MP cha Lok Sabha kawa dang dep ha uni u snem.

Ka UDP da chong yalang ko yong ka Central Executive Committee (CEC) ynne ka sngi wow thooh yaki daw wa u kyrtong hunlang ka Party da chah rem kput ha katai ka Election.

Advertisement ad1

Hawa klam hadien ka yalang, u Working President ka UDP, u Bindo M Lanong da ong u wa ka Party ym chem ko wa em i chet kylla na kiwi won ki lok wa krehlang ha ka sorkar MDA, deiwa pynrap wa waroh ki Party wa kynthup ya ka HSPDP, PDF, NPP wa u MLA khlem seiñ da kreh chitom ki wow pynjop ya u Dr. Jemino Mawthoh, tangwa sihbhah wa ym em poi u cha ka thong neidaw wa boon kiwi won ki daw.

Da ong wa waroh ki Party da kreh chitom ki tangwa ym ye wow pynngait ya ki paidbah wa chah yah bakla ha kiwi won ki phang ka Party Congress.

Neiliang u kyrtong wa chah pynrem uwa man leh u General Secretary ka UDP, u Dr. Jemino Mawthoh uwa ong wa i yahbakla da ka Congress ha katai ka Election ha kiwa boon ki phang kam ka CAB wa khamtam waka UDP krehlang ko waka BJP ha ka jylla da pynman ko yaka Congress wow ku ka yoh Vote kawa ym ye ngait chooh.

Ka Central Executive Committee (CEC) yong ka UDP da rai ko leh wow pynman yaka yachem kawa heh yong ka Party ha u Naikhynde (Sep) uni u snem wow yaklam ya ki kaam wow pynkhlan chooh chooh ya i krehkaam ka Party.

Ha kani ka yalang daw pynthymme leh ya ki kattu katni kiwa kitkaam, kam na ki District wa ki Unit wei chwa ya kani ka sngi ka Party da phah ya waroh ki Unit wow jied thymme ya kiwa kitkaam ka Party wei wow phah won cha ka CEC.

Neiliang kiwa yahkhmat ka UDP da pyntip ki wa ka Party daw pynman ko leh yaka yalang cha ri-loom Garo wow yaklam heiyatoh waka Election MDC ha GHADC.

Advertisement ad1
Advertisement ad1

0 Comments

Leave a Reply