Ym duna ya 7 MLA ka Congress ki wow psiah noh cha ka NPP: Dr WR Kharlukhi

Shillong: I psiah NPP ki kattu katni ngut ki MLA Congress wa kiwa na kiwi ki seiñ da man i iwa tikna wei ya ini da kubur da u President ka NPP, u WR Kharlukhi heiwa da ong u wa ka seiñ NPP ym slem de da pdiang ko ya ki cha i yung yong ka.

“Ym duna ya ki 7 ngut ki MLA wei boon na ki toh naka seiñ Congress ki wow psiah cha ka NPP wei ini toh hadien ka 27 tarik uni u bnai”, da ong u President ka NPP u Dr. WR Kharlukhi hawa yaklam wa kiwa pathai khubor ynne ka sngi.

“Katkam wa man kattæ ympu ye u khoh yei pyrtuid yong ki han lada pyntikna ki wow psiah noh cha ka seiñ wei yeini daw tip hadien ha 27 tarik”, da ong u Dr Kharlukhi.

Da yoh yutip wa ki kattu katni ngut ki MLA ka Congress ki wow psiah cha ka seiñ ye ki u kynthup ya u Ngaitlang Dhar u MLA na Umroi, u Sniawbhalang Dhar na Nartiang, u Prestone Tynsong na Pynursla, u Rowell Lyngdoh na Mawkyrwat, u Remington Pyngrope ka UDP na Mawkynrew, nalor kiwi ki MDC.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

U Dr. Kharlukhi da ong u wa nalor ki MLA daw em leh ki MDC ki wow psiah cha ka seiñ ki wow kynthup ya kiwa na JHADC wa na KHADC.

Hawa kynthah won ya ka Congress, u Dr. Kharlukhi da ong u wa ka juk Congress ha kani ka jylla da poi ko chawa kut wei ki dak ki chin daw paw wa ha u 2018 ka sorkar ymtoh de ka yong ka Congress.

Da ong u leh waka party da pynkhreh bha ko neibynta ka election wow wan wei ha kiwa boon ki thaw da booh ya ki tnat krehkaam ka party. Da khana u leh wa ha Mawkyrwat ka NPP da yoh myntoi bha ko na i wan psiah ki bru ka Congress hapoh i yahkhmat u Diverland Lyngdoh wa kiwi kiwi.