Ka Director General of Police (DGP) ka jylla, ka Idashisha Nongrang ynne da ong ko wa ki pulit ka Meghalaya toh kiwa pynkhreh wow khanglaad ya ka Hynniewtrep National Liberation Council (HNLC) wow pynyoo ko yei bor ko.
Ini i ong ka DGP toh hadien wa lai booh Bomb IED ka HNLC ha Umsning, Ri-Bhoi ini wa dep.
“Ka HNLC ye ki wow pteiñ u pyrchang wow pynyoo yei em paaid wa ki bor ki, tangwa i toh kiwa da chim ka rai wow pyntikna wym yoh ki wow pynoo yei bor yong ki,” da ong ka DGP.
Deiwa khlem bien u klam chiboon hajrong ka HNLC, ka DGP da pdiang ko wa kani ka seiñ em ko yong ka hi i eh i khoo iwa man leh i daw wa da leh ki yeiwa leh ki.
Da pynkynmoo ko wa ka sorkar dang wai hi ko ya ka dwar yow yaklam yasuk wei yeini u ye u leh katkam ka aiñ wa ki kyndon wa da booh hapoh ka ri.
Ini i ong ko toh hadien wa ka HNLC da kam ko wa i khut yaklam yasuk toh i wym em yumut lada ka sorkar ym ye ko wow pynbait chwa ya u pood ka Assam-Meghalaya.
Discussion about this post