Ka Ministry of Mines ka sorkar India da pynche ko ynnin ka sngi deiwa ong wa ym em i thmu wow pyman ya i tih mar pohkhyndaw wa man pyrchah yaka aiñ wow pdiang noh yaki wow man ki katkam ka aiñ.
Ka Ministry of Mines da ong ko wa i tyrwa wow pynkylla yaka aiñ Mines and Minerals (Development and Regulation) (MMDR) Act, 1957 toh iwa da saam cha kiwa boon ki chnat ka sorkar pyrdi kamjooh ki sorkar jylla yow pynsñiaw ki yeiwa da thmu wow pynkylla.
Chooh chooh ya ini i thmu pynkylla da pynbna paidbah katkam ka Pre-Legislative Consultation Policy, heiwa ka Ministry da booh ko nadooh ka 24-08-2020 deilang wa iwa da tyrwa (Proposal) haka Website ka Ministry of Mines yow ye ki paidbah leh wow e yei buit kamjooh yeiwa sñiaw ki heiyatoh wa iwa thmu wow pynthymme, pynkylla.
Ka Union Finance Minister da pynbna ko haka 16-05-20 wa hapoh ka Atmanirbhar Bharat Scheme wow e laad yaki bru samen wow yoh bynta lang ki ha ki kaam wa yatoh waki mar pohkhyndaw (Mineral Sector) yow pynkylla noh ya kani ka kaam. Kamtæ yow ye u leh ya ini waroh, ka Ministry of Mines da tyrwa ko wow pynkylla noh yaka aiñ Mines and Minerals (Development and Regulation) (MMDR) Act, 1957 yow pynku yaka Mineral Sector da i thong wow yoh kreh ki paidbah kam ha kini ki por wa em ka khlam COVID-19.
Iwi na ki trywa wow pynkylla toh yow pynche iyi mut manda ong i tih mar pohkhyndaw wa man pyrchah yaka aiñ wa kiwi kiwi.