15 49.0138 8.38624 1 0 4000 1 https://wyrta.com 300 0

Da pynman ya ka Dorbar Kur Warjri kawa 22

0 Comments
Advertisement ad1

Shillong: Ka Dorbar Kur Warjri kawa 22 da pynman ha Mawkneng ha kani ka 9 tarik wei da wan sakhi ya ka da ki hajar ngut ki parakur parajait kiwa wan poi cha kani ka dorbar bah.

Ha i klam maitphang yong u khliehdooh ka Sengkur Warjri, u D L Warjri da kyntu u ya ki parakur wa kam ka jaitbru, toh u pynkhlan ya ki seiñ Kur deiwa kyrchaan chitrhem lang ya kiwi kiwi ki kur ha ka ri Khasi khnang wow ku rasong chityllup ka jaitbru.

Da khana u leh wa kynmoo ya i chimtom wa tyngkhooh ha ki snem chwa wow yoh ya ka jylla, deiwa ong “Ha i por yong ka sorkar Assam, u montri rangbah u Bishnu Ram Medhi da jooh pynchlur u ya ki khynroo chynrang Assamese wow chongkha wa ki kynthai Khasi wei da kular u wow e khusnaam ya kiwa leh ya ini, neibhah i thmu toh wow tlep noh ha waroh kawi ka thaaiñ yow man ko du kawi donhi ka jaitbru ha jylla”.

Kamtæ da yaroh u ya kiwa yahkhmat Khasi ha kitai ki por kiwa chynna wei kiwa yakhun neibynta wow yoh noh ya ka jylla hadooh wow man ko kawa jop. Ha iwi tawon i liang u D L Warjri da kdaw u wa man kawa emkaam wow im wow tei yei rukom im wow pynku ya ka burom yong samen wa yong ka kur ka jait khnang wa ka naam ka burom yong ka jaitbru leh u ku ko.

Ha kani ka Dorbar bah yong ka kur Warjri da pynkup burom leh ya ki parakur kiwa da tyrchaaiñ wei da ku ha ka kaam puræ puthi kamjooh ki kaam ki jaam da u Riewad V Warjri, Rangbah Kur uwa da chongngiah na ka kaam kittiensyiem (Envoy, Ambassador) yong ka Ri India ha kylleiñ ka pyrthai.

Da pynkup burom ya u Dakynmawlang Warjri uwa man nyngkong (1st Class) wa ka kyrdan wa ha khlieh tam dooh (Distinction) ha ka puræ B.E. Electrical & Electronics Engineering na Sathyabana Institute of Science and Technology University, Chennai; u Phyrnailang Warjri uwa yoh nyngkong deilang wa ka takma ksiar (1st Class Gold Medalist) ha ka M. Sc. Mathematics NEHU, Shillong; ka Sally Gracia Warjri kawa yoh nyngkong na ki chiphaw ha khlieh (1st Class- 10th position) ha ka B.Sc. Physics na NEHU, Shillong; wa ya u heh pulit u Bumper Warjri, Sub Inspector uwa yoh ya ka khusnaam (Excellence Award 2018) ha i kaam wow pynlai ryntih ya ki kari (Traffic) na u Deputy Commissioner, East Khasi Hills District, Shillong.

Ha kani ka sngi da em leh ki kaam lehke pynwyrngia na ki khynnah wa ki khynroo khyllood da ki rwai wa ki chaad tynre wa ha rukom wei da e ya ka yukheiñ ya ka lut ka sep da u Sunshine Warjri, Saiñpynïar ka Seng Kur hajrong ki kaam bhalang yong ki parakur parajait ha kylleiñ ka Ri Khasi.

0 Comments

Leave a Reply